ვიღაცამ eBay-ზე $9 მილიონი გადაიხადა უორენ ბაფეტთან ლანჩისთვის - აი, კიდევ რა მიიღო მან სანაცვლოდ
You're reading 鶹 Georgia, an international franchise of 鶹 Media.
რამდენს გადაიხდიდით უორენ ბაფეტთან და სტეფ კარისთან ერთად ლანჩისთვის?
ერთი ადამიანისთვის, რომელიც ამ დროისთვის ანონიმურობას ინარჩუნებს, პასუხი
eBay-ზე დაფიქსირებული $9 მილიონი აღმოჩნდა. ერთკვირიანი აუქციონის
დასრულების შემდეგ, ყველაზე მაღალი ფასის შემომთავაზებელმა მაგიდასთან ადგილი გაინაღდა 95 წლის ინვესტირების ლეგენდასთან, NBA-ს ჩემპიონ სტეფ კარისთან და მეწარმე აიეშა კარისთან ერთად.
ლანჩი 24 ივნისს ნებრასკას შტატის ქალაქ ომაჰაში, ბაფეტის $700-მილიარდიანი
იმპერიის, Berkshire Hathaway-ის მშობლიურ ქალაქში გაიმართება. ამასთან, მთავარ
გამარჯვებულს უფლება აქვს, თან შვიდამდე სტუმარი წაიყვანოს.
შემოსული თანხა თანაბრად გაიყოფა ორ საქველმოქმედო ორგანიზაციას შორის: GLIDE - სან-ფრანცისკოს ფონდი, რომელიც ქალაქის ყველაზე მოწყვლად მოსახლეობას ეხმარება, და Eat. Learn. Play. - არაკომერციული ორგანიზაცია, რომელიც კარისებმა ოკლენდში ბავშვებისა და ოჯახების მხარდასაჭერად დააფუძნეს.
თუმცა, მთავარი სიურპრიზი ის არის, რომ ბაფეტმა პირობა დადო, რომ $9-მილიონიან ფსონს ორივე ორგანიზაციისთვის სრულად გააორმაგებდა, რამაც ქველმოქმედებისთვის შეგროვებული ჯამური თანხა დაახლოებით 27 მილიონ დოლარამდე გაზარდა.
თარგმანი: მარიამ ქობალია
